Bolıvııada avtobýs jol apatyna ushyrap, 20 adam mert boldy
LA-PAS. QazAqparat – Bolıvııada avtobýs jol apatyna ushyrap, 20 adam mert boldy. Sársenbide La-Pas qalasynan 400 shaqyrym qashyqtyqta Kolomı ortalyq mýnıtsıpalıtetinde Kochabamba-Santa-Krýs tasjolynda jolaýshylar mingen avtobýs aýdarylǵan, dep habarlaıdy QazAqparat Xinhua-ǵa silteme jasap.
Barlyǵy 39 adam zardap shegip, Kochabamby aýrýhanasyna jetkizildi. Qatty jaraqat alǵan jolaýshylar jansaqtaý bóliminde jatyr.
Avtobýstyń zardap shekken júrgizýshisi ishimdikke test tapsyrdy, nátıjesi keıin shyǵady.
Qazirgi ýaqytta jol-kólik oqıǵasynyń mán-jaıy anyqtalyp jatyr.
Aldyn ala málimet boıynsha, avtobýs júrgizýshisi rýlge ıe bola almaı qalǵan nemese avtobýstyń tormozy jasamaǵan, dep habarlaıdy The Storiest.
