Bolıvııada avtobýs shyńyraýǵa qulap, 11 adam qaza tapty
NUR-SULTAN. QazAqparat - Bolıvııa La-Pastan Karanavıge bara jatqan avtobýs aýdaryldy. Apat saldarynan 11 adam qaza taýyp, 10 adam jaraqat alǵan, dep habarlaıdy ABI agenttigi polıtsııaǵa silteme jasap.
Qaıǵyly oqıǵa dúısenbige qaraǵan túnde bolǵan. Taý etegin baýraılap ótken joldaǵy avtobýs 100 metrdeı bıiktikten shyńyraýǵa qulaǵan. Jol apatyna ne sebep bolǵany ázirge belgili emes.
Aıta keteıik, Bolıvııada jıi jol apaty bolady. Sonyń kóbi taýly óńirlerden ótken kezde oryn alady.
