Bolıvııada avtobýs pen júk kóligi soqtyǵysyp, 11 adam qaza tapty
NUR-SULTAN. QazAqparat – Bolıvııanyń ońtústiginde avtobýs pen júk kóligi soqtyǵysyp, 11 adam qaza tapty. Bul týraly El Deber gazeti habarlady.
Oqıǵa dúısenbi kúni tańerteń, avtobýs Orýrodan Potosıge ketip bara jatqanda bolǵan. Basylymnyń deregi boıynsha, taǵy eki adam jaraqat alyp, aýrýhanaǵa jetkizilgen.
Quqyq qorǵaýshylar oqıǵanyń mán-jaıyn anyqtap jatyr: júk kóliginiń qarsy jolaqqa shyǵyp ketýi, júrgizýshiniń mas kúıde kólik tizgindeýi sııaqty nusqalar qarastyrylýda.
