Bolıvııada alyp kól joǵalyp ketti
ASTANA. QazAqparat - Eýropalyq ǵarysh agenttigi spýtnıktik sýretterden alynǵan taldaý qorytyndylary boıynsha, Bolıvııadaǵy kólemi jaǵynan ekinshi kól - Pooponyń tolyq tartylyp, jer betinen joǵalǵanyn habarlady.
Poopo kóliniń birtindep joǵalýyn 2014 jyldyń sáýiri, 2015 jyldyń shildesi jáne 2016 jyldyń qańtarynda jasalǵan spýtnıktik sýretter toptamasy rastap otyr, dep habarlaıdy RIA Novostı.
Buryn ol 3 myń sharshy shaqyrym aýmaqqa taralǵan edi. Shamamen tereńdigi 3 metrdeı jáne klımattyń qubylmaly jaǵdaıynda bul Poopo kóliniń joǵalyp otyrǵany birinshi ret emes: buǵan deıin onyń tolyq tartylý oqıǵasy 1994 jyly tirkelgen. Keıinnen kólge sý qaıta toldy. Bul joly sarapshylar qalpyna kelý úderisi uzaq jyldarǵa sozylyp, tipti múldem joıylyp ketý qaýpi týyndaǵandyǵyna alańdap otyr.
