Bolıvııada álemdegi eń uzyn aspaly jol ashyldy
ASTANA. QazAqparat - Bolıvııa prezıdenti Evo Morales álemdegi eń uzyn jáne bıik aspaly joldy saltanatpen ashty, dep habarlady Assosheıted Press.
Endi áýedegi aspaly joldyń kabınasynda La-Pas jáne El-Alto qalalarynyń arasynda jolaýshylar tasymaldanady. Bir adamǵa bılet quny úsh bolıvıano (43 tsent).
Avstrııalyq kompanııa 234 mln. dollarǵa salǵan bul aspaly jol teńiz deńgeıinen 3200 jáne 4000 metr bıikte And taýlary tizbegindegi La-Pas jáne El-Alto qalalaryn jalǵastyrady. Jańa aspaly jeli jolaýshylardy sońǵy stansaǵa deıin 10 mınýttiń ishinde jetkizedi, buryn bul qalalardyń turǵyndary eki ortaǵa mashınamen nemese qoǵamdyq kólikpen jarty saǵattan astam ýaqyt joǵaltatyn edi. Bul sapar Bolıvııadaǵy eń bıik (6462 metr) Ilımanı qarly shyńdarynyń baýraıymen ótedi.
«Bul biz úshin úlken qýanysh, aspaly jol aqyrynda ashyldy», - dep jyly lebizin bildirdi prezıdent Morales La-Pasta onyń ashylýynda sóılegen sózinde. Jeliniń uzyndyǵy 10 shaqyrym, ol teńiz deńgeıinen 3660 mter bıiktikte.
Aspaly jol táýligine 17 saǵat, bir jylda 360 kún jumys jasaıdy. Ol saǵatyna 18 myń adamdy tasyp jetkizedi.
