Bolıvııa prezıdentiniń tikushaǵy shuǵyl qonýǵa májbúr boldy
NUR-SULTAN. QazAqparat- Bolıvııa prezıdenti Evo Morales mingen tikushaq shuǵyl qonýǵa májbúr boldy. Bul týraly eldiń áskerı-áýe kúshteri Twitter-de resmı málimdedi, dep habarlaıdy QazAqparat.
Bolıvııa Respýblıkasy ÁÁK-niń málimdeýinshe, oqys oqıǵa 4 qarasha kúni bolǵan. Eshkim zardap shekpegen. Prezıdentti Kolkırıden Orýroǵa apara jatqan tikushaqtan aqaý tabylǵan.
25 qazan kúni Bolıvııanyń Joǵary saılaý soty prezıdent saılaýynda Morales jeńip shyqqanyn jarııalady. Daýys berý qorytyndylary oppozıtsııanyń qatań synyna ushyraǵan edi. Tipti saılaýdy baqylap otyrǵan ózge Amerıka elderi de buǵan narazylyq tanytqan.
Daýystardy sanaý kezinde Bolıvııanyń birneshe qalasynda ereýilder bolyp, arty tártipsizdikke ulasty. Narazy jurt saılaý sotynyń jer-jerdegi bólimshelerin órtep te jiberdi.
Al Morales bul oqıǵany memlekettik tóńkeris jasaýdyń amaly dep baǵalady.
