Bolıvııa prezıdentiniń mashınasyn ... urlap ketti
ASTANA. Mamyrdyń 5-i. QazAqparat - Bolıvııada el Prezıdenti Evo Moralestiń avtokóligin aıdap áketti. Belgisiz bireý el basshysynyń Toyota Land Cruiser mashınasyn urlap ketti, dep habarlaıdy RBK agenttigi jergilikti basylymdarǵa silteme jasap.
Oqıǵa el ordasy - La Pasta bolǵan. Memleket basshysynyń júrgizýshisi tamaq alý úshin dúkenniń janyna toqtaǵan. Dúkennen oralǵan kezde, kóliktiń ornyn sıpap qalǵan.
Ázirge kólik tabylmaı otyr. Toyota Land Cruiser - Venesýela Prezıdenti Ýgo Chavestiń Evo Moraleske jasaǵan tartýy bolatyn. 2008 jyldyń mamyr aıynda Chaves bolıvııalyq áriptesine jáne taǵy birqatar bolıvııalyq basshylarǵa 16 avtokólik tartý etken edi.
Evo Morales Latyn Amerıkasy qurlyǵynyń kópǵasyrlyq tarıhynda alǵash ret prezıdent bolyp saılanǵan úndis ókili. Bolıvııa basshysynyń ulty - aımara úndisi.
