Bolıvııa prezıdenti áskerılerge esirtki tasyp júrgen ushaqtardy atyp túsirýge ruqsat berdi
ASTANA. QazAqparat - Bolıvııa prezıdenti Evo Morales áskerılerge qylmyskerler esirtki tasýǵa paıdalanatyn el aýmaǵy ústindegi ushaqtardy atyp túsirýge ruqsat berdi. Bul týraly ITAR-TASS habarlady.
Buǵan deıin Bolıvııa áýe keńistiginiń qaýipsizdigin kepildendiretin zań bolmaǵan aımaqtaǵy birden-bir el bolyp keldi.
Memleket basshysy eldiń keıbir bóliginde esirtki satýshylar shaǵyn ushaqtardy ózderiniń júkterin tasý úshin josyqsyz paıdalanyp otyrǵanyn atap ótti.
«Endi osy zańnyń arqasynda biz esirtkiniń zańsyz aınalymymen kúresti jaqsartýǵa múmkindik beretin quralǵa qol jetkizdik», - dedi Morales.
