Bolıvııa prezıdenti jappaı narazylyqtarǵa baılanysty elde tótenshe jaǵdaı engizdi
ASTANA. KAZINFORM — Bolivia prezıdenti Rodrıgo Pas eldegi jappaı narazylyqtar aıasynda tótenshe jaǵdaı rejımin engizdi. Bul týraly Kazinform agenttigi BBC-ge silteme jasap habarlaıdy.
Elde 50 kúnnen astam ýaqytqa sozylǵan narazylyq aktsııalary ekonomıka jumysyna eleýli keri áser etken.
Prezıdent Rodrıgo Pas halyq pen buqaralyq aqparat quraldary ókilderine úndeý jasady.
— Eldegi joldardy ashý úshin tótenshe jaǵdaı rejımin engizýdi tapsyrdym. Bolıvııa azamattary jumys isteý, bilim alý, medıtsınalyq kómekke júginý, azyq-túlikpen qamtylý jáne ónimderdi úılerine jetkizý múmkindigin shekteý jaǵdaıynda qala almaıdy, — dedi ol.
Prezıdenttiń aıtýynsha, tótenshe jaǵdaı qalypty ómirdi buzý úshin emes, ony qalpyna keltirý úshin engizilgen.
Sondaı-aq úkimet adal dıalog júrgizýge daıyn taraptar úshin ashyq ekenin málimdedi.
CNN málimetinshe, narazylyq bildirýshi kásipodaqtardyń joldardy jabýy saldarynan eldiń keı óńirlerinde azyq-túlik, janarmaı jáne dári-dármek tapshylyǵy týyndaǵan.
Sońǵy 50 kúnde bul jaǵdaı ekonomıkany aıtarlyqtaı tejegen.
Narazylyqtar mamyr aıynda bastaldy.
Oǵan prezıdenttiń bıýdjet tapshylyǵyn azaıtý maqsatynda kóp jyldan beri berilip kelgen janarmaı sýbsıdııalaryn qysqartý týraly sheshimi túrtki bolǵan.
Ekonomıkalyq daǵdarysqa tap bolǵan elde shetel valıýtasynyń tapshylyǵy baıqalady.
Tabıǵı gaz eksporty kúrt azaıyp, ınflıatsııa sońǵy 40 jyldaǵy eń joǵary deńgeıge jetken.
Narazylyqqa jumysshylar kásipodaǵy, fermerler jáne burynǵy prezıdent Evo Morales jaqtastary qosylǵan.
Olar prezıdenttiń otstavkasyn, jalaqyny kóterýdi jáne janarmaı tapshylyǵyn joıýdy talap etip otyr.
Osyǵan deıin Berlınde birneshe myń adam Germanııa úkimetiniń saıasatyna qarsy jappaı ereýilge qatysqany týraly jazdyq. Belsendiler Brandenbýrg qaqpasyna jınalyp, kópshiligi kantsler Frıdrıh Merts bastaǵan Germanııa úkimetiniń dereý otstavkaǵa ketýin talap etti.
