Bolıvııa bıligi sý tasqyny qaýpine baılanysty tótenshe jaǵdaı jarııalady
ASTANA. KAZINFORM — Bolıvııa prezıdenti Rodrıgo Pas El-Nıno klımattyq qubylysyna baılanysty elde tótenshe jaǵdaı jarııalady. Bul sheshim qurǵaqshylyq pen aldaǵy aılarda sý tasqyny qaýpi tóngen kezde qabyldanyp otyr, dep habarlaıdy Sınhýa.
Bolıvııa prezıdenti Rodrıgo Pas senbi kúni El-Nıno klımattyq qubylysyna baılanysty elde tótenshe jaǵdaı jarııalaý týraly jarlyqqa qol qoıdy.
Onyń aıtýynsha, bul sheshim Bolıvııanyń birneshe aımaǵyna áser etken qurǵaqshylyqpen kúresýge jáne aldaǵy aılarda bolýy múmkin sý tasqynyna daıyndalýǵa baǵyttalǵan.
Prezıdent qurǵaqshylyqtan 63 eldi meken zardap shekkenin habarlady. Sonymen qatar malshylar jem-shóp tapshylyǵyna tap bolǵan.
Buǵan deıin, sársenbide Bolıvııanyń Azamattyq qorǵanys agenttigi sý tapshylyǵy eldiń toǵyz departamentiniń altaýynda shamamen 80 000 otbasyna áser etkenin habarlady.
Sonymen qatar qurǵaqshylyq 75 000-nan astam mal basynyń ólimine ákeldi.
Buǵan deıin Bolıvııa prezıdenti jappaı narazylyqtarǵa baılanysty elde tótenshe jaǵdaı engizgenin jazǵan edik.
