Bolıvııa áýejaıynda er adam pyshaqpen 11 adamdy jaralady
ASTANA. QazAqparat - Bolıvııada La Pas ákimshilik astanasynyń halyqaralyq áýjejaıynda er adam pyshaqpen 11 adamdy jaralady. Olardyń jeteýi áıel jáne ekeýi er adam, sonyń ishinde shabýyl jasaǵan adamdy ustaǵan polıtseı de bar, dep habarlady ITAR-TASS.
Eldiń ishki ister mınıstriniń orynbasary Horhe Perestiń aıtýynsha, kim ekeni anyqtalmaǵan 41 jastaǵy shabýylshy júıke syrqatyna ushyraǵan jan eken. Onyń aqyl-esiniń durys-burystyǵyn mamandar anyqtamaq.
Oqıǵa kútpegen jerden boldy. Kútý zalynda otyrǵan qaskúnem bılet kassasynyń qasynda turǵan jolaýshylarǵa kelip, árqaısysyna pyshaq suǵa bastaǵan. Ustalǵannan keıin ol bul qadamǵa barýyna «ana dúnıeden jetken daýystar» sebep bolǵanyn aıtqan.
Zardap shekkenderge medıtsınalyq kómek kórsetildi. Olardyń toǵyzynyń jaraqaty aýyr dep sanalady.
