Bólim basshysynyń qymbat kóliginen 1,7 mln teńge para tabyldy

ASTANA. QazAqparat - QR Qarjy mınıstrligi Memlekettik kirister komıtetine qarasty aımaqtyq bólim basshysy paramen ustaldy, dep xabarlaıdy QazAqparat tilshisi. 

QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Nurlan Jaxınniń aıtýynsha, kúni keshe ǵana Aqtóbe oblysynda Memlekettik kirister departamenti ekonomıkalyq tergeý qyzmetiniń mamany paramen ustaldy.

"Qarjy salasyndaǵy qylmystardy tergeý basqarmasynyń bólim basshysy Mereı paraqorlyq boıynsha áshkerelendi. Ol gaz kompanııasynyń dırektorynan zańsyz kásipkerlik týraly sotqa deıingi tergeýdi toqtatqany úshin 1,7 mıllıon teńge somasynda para aldy degen kúdikpen ustalyp otyr. Qazirgi kezde Mereı Aqtóbe qalalyq ishki ister basqarmasynyń ýaqytsha ustaý abaqtysyna qamaldy", - dedi N.Jaxın Astanada ótken baspasóz máslıxatynda.