Bolgarlyq sportshylar Sochı Olımpıadasyndaǵy «altyn» úshin 100 myń evro alady
ASTANA. 18 qańtar. QazAqparat - Sochıdegi Qysqy Olımpıadalyq oıyndarda jeńiske qol jetkizgen jaǵdaıda bolgarlyq sportshylar qomaqty kólemdegi syılyqtar men syıaqylarǵa ıe bolady, dep habarlaıdy ITAR TASS.
«Trýd» gazetiniń habarlaýynsha, aıtýly oıyndardaǵy jeńisi úshin olarǵa beriletin memlekettik syıaqy mólsheri 200 000 levti (shamamen 100 myń evrony) quramaq. Sondaı-aq, oblystyq ákimshilik pen demeýshiler tarapynan da aýqymdy kólemdegi syıaqylarmen marapattaý qarastyrylǵan.
«Sportshylarymyzdyń ıelenetin kez kelgen medali biz úshin úlken mánge ıe, alaıda, oǵan kóp múmkindikterimiz bolmaı qalýy da yqtımal. Biraq, sportshylardy jarystarǵa daıarlaýda barlyq jaǵdaı jasaldy. Olar bizdiń senimimizdi aqtaıdy, dep úmittenemiz», - dedi Bolgarııa Olımpıada komıtetiniń prezıdenti Stefka Kostadınova. Halyqaralyq sporttyq jarystarǵa bolgar eliniń atynan 16 sportshy qatyspaq.
