Bolgarlyq kýrorttarda sý tasqynynan myńdaǵan týrıster, onyń ishinde balalar qutqaryldy
ASTANA. QazAqparat - Nóser jaýyn saldarynan oryn alǵan sý tasqynynan bolgarlyq Kranevo jáne Albena kýrorttarynda myńdaǵan týrıster qutqaryldy, onyń ishinde balalar da bar.
5 myńdaı bala ornalasqan demalys oryndarynda jaryq pen sý joq, dep habarlaıdy «Fokýs - Varna» radıosy ákimshilik basshysy Kranevo Rýmen Nıkolovtyń sózine silteme jasap.
«Jalpy, balalarǵa ystyq tamaq pen mıneraldyq sý berilýde, degenmen jaısyzdyq barynsha sezilýde», - dep málim etti Nıkolov.
bTV telearnasynyń derekterine súıensek, Albena kýrortynda tasqyn sý birden alty qonaqúıdi «jerden» oqshaýlap tastady, onyń birin sý shaıyp, júzdegen adamdar qaýipsiz jerge kóshirilýde.
Varna, Dobrıche, Velıko Tyrnovo jáne basqa keıbir qalalarda da jaǵdaı asa kúrdeli. 13 adam qaza tapqany jaıly aqparat resmı tirkeldi. Varnada - 10, Dobrıchede 3 adam. Qutqarý jumystary jalǵasýda.
23 maýsymda qaraly kún jarııalandy. El boıynsha materıaldyq kómek jınalýda.
