Bolgarııanyń eń iri joǵary oqý ornynda qazaq tili oqytylady
Bul týraly QazAqparat QR Syrtqy ister mınıstrliginiń baspasóz qyzmetine silteme jasap habarlaıdy.
Kezdesý barysynda Sofııa ýnıversıteti men Qazaqstannyń jetekshi joǵary oqý oryndary arasyndaǵy ózara tıimdi áriptestikti arttyrý boıynsha naqty bastamalar qaraldy.
Atap aıtqanda, 2018 jyldyń qazan aıynda ál-Farabı atyndaǵy QazUÝ-men áriptestik kelisim negizinde qurylǵan ál-Farabı ǵylymı-bilim berý jáne mádenı ortalyǵynyń qabyrǵasynda qazaq tilin oqytý tájirıbesin odan ári ilgeriletýge nazar aýdaryldy. Sonymen qatar, qazaqstandyq dıplomat ýnıversıtet basshylyǵyna jan-jaqty qoldaý kórsetkeni úshin alǵysyn bildirip, bolgar stýdentteri arasynda qazaq tilin úırenýge degen qyzyǵýshylyqtyń artyp kele jatqanyna jáne osy pándi «Túrkologııa» fakýltetiniń oqý josparyna engizgenine rızashylyǵyn bildirdi.
Sonymen qatar, joǵary bilikti kadrlardy daıarlaý jónindegi memlekettik maqsatty oryndaýǵa qosqan úlesi turǵysynan V.Temirbaev Bolgarııa ýnıversıtetiniń rektoryn 2023 jyldyń kúzinde Astana men Almatyda ótetin «International Education Fair» halyqaralyq bilim berý kórmesine qatysýǵa shaqyrdy.
Sonymen qatar, V. Temirbaev QR Parlamentiniń tómengi palatasy – Májilis jáne jergilikti ókiletti organdar – máslıhattar depýtattarynyń kezekten tys saılaýyna egjeı-tegjeıli toqtala otyryp, memlekettik bılik ınstıtýttaryn qaıta jańǵyrtý sheńberinde Qazaqstanda júrgizilip jatqan ózgeristermen áńgimelesýshini tanystyrdy.
Sońynda taraptar kezdesý barysynda belgilengen barlyq máseleler boıynsha jumys baılanystaryn jalǵastyrýǵa kelisti.
