Bolgarııanyń iri qalalarynda turǵyndar Úkimetke qarsy narazylyq sherýine shyqty

ASTANA. KAZINFORM — Dúısenbi kúni ondaǵan myń azamat Sofııa men Bolgarııanyń iri óńirlik ortalyqtarynyń kóshelerine shyǵyp, 2026 jylǵa arnalǵan memlekettik bıýdjet jobasynyń qabyldanýyna qarsy narazylyq bildirdi. Bul týraly bolgarııalyq VTA agenttigi habarlady.

Narazylyq aktsııalary Plovdıv, Varna, Býrgas, Rýse, Pleven, Stara-Zagora, Lovech, Velıko-Tyrnovo, Dobrıch, Blagoevgrad, Slıven, Shýmen jáne ıAmbol qalalarynda ótti.

Sofııada «Treýgolnık vlastı» alańynda myńdaǵan adam jınalyp, «Otstavka!» dep urandatty, olar úkimettiń taratylýyn talap etip otyr.

Bul narazylyq sherýin «Prodoljaem peremeny – Demokratıcheskaıa Bolgarııa» koalıtsııasy uıymdastyrdy.

Bastapqyda aktsııa beıbit ótti: qatysýshylar án aıtyp, bı bılep, qoldaryndaǵy jalaýlaryn jelbiretip kóńil kóterdi. Keıin Parlament ǵımaratynyń syrtyna «Otstavka ı tıýrma», «Mafııa» degen jazýlar kórsetildi, plakattarda bıýdjetke qatysty talaptar qoıyldy.

Dúısenbi kúni keshke narazylyq aktsııasy Sofııa ortalyǵyndaǵy GERB jáne DPS-tiń «Novoe nachalo» keńse ǵımarattaryna aýysyp, qarqyny kúsheıdi. Tanymal telearnalardyń kadrlarynda maska taqqan narazylar men polıtsııa qyzmetkerleri arasyndaǵy qaqtyǵystar kórsetildi: órtengen qoqys jáshikteri jáne joıylǵan polıtseılik kólik kórindi. Polıtsııa narazylarǵa aşy gaz shashqan, olardyń kóbisi sol sátte maska taqqan. BTA habarlaǵandaı, 10-nan astam adam ustaldy, bir polıtsııa qyzmetkeriniń aıaǵy synǵan, taǵy biri aýrýhanaǵa jetkizilgen.

Sofııanyń keı bóliginde elektr jaryǵy óshti. Uıymdastyrýshylar beıbit narazylyqty qoldap, arandatýlardan saq bolýdy eskertti.

26 qarashadaǵy aktsııadan keıin GERB tóraǵasy Boıko Borısov premer-mınıstr men qarjy mınıstrine bıýdjet jobasyn qaıtaryp alýdy tapsyrdy. Sodan keıin jańa kelissózder bastalyp, bıýdjet jobasy boıynsha dıalog jalǵasyp jatyr.

Aıta keteıik, Germanııada ońshyl jastar uıymyn qurýǵa qarsy jappaı narazylyq aktsııalary ótip jatqanyn jazdyq.