Bolgarııalyq ınvestor Almatyda jel generatoryn shyǵaratyn zaýyt salmaqshy

ASTANA. QazAqparat – QR Ǵylym jáne joǵary bilim mınıstri Saıasat Nurbek Almaty qalasynda qazaqstandyq ǵalymdar ázirlegen joba boıynsha jel generatorlarynyń zaýyty salynatynyn málim etti, dep habarlaıdy QazAqparat tilshisi.

«Úsh jyldyq baǵdarlamanyń nátıjesinde shyqqan eki qyzyq joba bar. Onyń birinshisin «Tree Energy» degen konstrýktorlyq bıýro iske asyrady. Bul neniń kórinisi? Bizge bıznes óz ıdeıasymen keldi. Jel stansalaryna qajet generatorlardy óndiriske shyǵarmaqshy. Bizdiń ǵylymı granttyń nátıjesinde bul ınjenerlik-konstrýktorlyq sheshim tolyqqandy ómirge kelip, satylymǵa shyǵyp, úlken ınvestıtsııalar tartýda. Bolgarııanyń úlken ınvestory kelip 57 mln eýronyń kelisimshartyna qol qoıdy», - dedi ol Úkimet otyrysynda.

Onyń aıtýynsha, zaýyt Almaty qalasynda ashylmaq.

«ıAǵnı, bıznes bizge ıdeıasymen kelip, ǵylymı grant arqasynda óndiriske tolyq shyǵyp otyr. Ekinshi úlgi odan da jaqsy. Bul da bir irgeli zertteý bolǵan. Osydan 7 jyl buryn mıkrobıologııa jáne vırýsologııa ortalyǵynyń irgeli zertteýi bolatyn. Biz ony qoldanbaly zertteýge baǵyttap, óndiriske kommertsııalap shyǵardyq. ıAǵnı tolyq bir tsıkldiń úlgisi deýge bolady. Qazirgi tańda birneshe mıllıard teńgelik satylymdary bar», - dedi mınıstr.