Bolgarııadaǵy jol apaty: Zardap shekkenderdiń arasynda qazaqstandyqtar joq
ASTANA. QazAqparat - Bolgarııada tirkelgen qaıǵyly jol-kólik oqıǵasynda zardap shekken qazaqstandyqtar joq, dep habarlaıdy QazAqparat tilshisi QR SІM baspasóz qyzmetine silteme jasap.
«Bolgarııa ІІM-men usynylǵan, Qazaqstan konsýlynyń bergen aqparatyna sáıkes, Iskyr ańǵaryndaǵy avtobýsqa qatysty jol-kólik oqıǵasynan zardap shekken qazaqstandyqtar joq», - delingen vedomstvonyń baspasóz qyzmetiniń habarlamasynda.
Eske sala ketsek, Bolgarııada senbide Svoge qalasyna taıaý mańda 50 jolaýshy mingen týrıstik avtobýs aýdarylyp, 16 adam qaza tapqan bolatyn. Bes adamnyń jaǵdaıy aýyr kúıde. Keleńsiz jaǵdaı Svoge qalasyna taıaý jerde jergilikti ýaqytpen 17:00-de bolǵan. Svetovrachena eldi mekeniniń zeınetker klýbynyń músheleri mingen avtobýs júrgizýshisi nóser jańbyr men kórý múmkindiginiń shektelýi saldarynan úsh jeńil avtomobılmen soqtyǵysyp, jol qorshaýyn qırata bıiktigi 20 metrlik tik jardan qulaǵan.
Foto: www.dsnews.ua
