Bolgarııadaǵy týrnırde qazaqtyń bir boksshysy fınalǵa shyqty
ASTANA. QazAqparat - Bolgarııanyń Sofııa qalasynda ótip jatqan «Strandj» halyqaralyq boks týrnırinde Tursynbaı Qulahmet fınalǵa shyqty. Al Qamshybek Qońqabaev úshinshi orynda qanaǵat tutty, dep habarlaıdy QazAqparat tilshisi Qazaqstannyń boks federatsııasyna silteme jasap.
«Atalǵan týrnırde asa aýyr salmaqta (+91) qazaqtandyq Qamshybek Qońqabaev bolgar boksshysy Petar Belberovke ese jiberip, úshinshi oryndy qanaǵat tutty.
Aıta ketken jón, osydan eki jyl buryn Qońqabaev osy týrnırdiń jeńimpazy atanǵan bolatyn. Sońǵy bir aptanyń ishinde Qamshybek tórt birdeı jekpe-jekti ótkizdi. Sonyń ishinde Taldyqorǵan qalasyndaǵy WSB formaty boıynsha ózbek boksshysyna qarsy bes raýndtyq jekpe-jek te bar. Sol sebepti bıylǵy qola - jaqsy kórsetkish», - delingen federatsııanyń resmı habarlamasynda.
Al 75 keli salmaq dárejesinde óner kórsetip jatqanTursynbaı Qulahmet ýkraındyq Valerıı Harlamovty jeńip, fınalǵa shyqty. Búgin ol jergilikti boksshy Arman Hakobıanmen kezdesedi.
