Bolgarııadaǵy týrnır: Abylaıhan Júsipov «altynǵa» talasa almaıtyn boldy

ASTANA. QazAqparat - Qazaqstandyq bylǵary qolǵap sheberi Abylaıhan Júsipov bokstan Bolgarııada ótip jatqan «Strandja» halyqaralyq týrnırinde fınalynda sharshy alańǵa shyǵa almaıtyn boldy, dep habarlaıdy QazAqparat.

Bul týraly Qazaqstan boks federatsııasy facebook áleýmettik jelisindegi paraqshasynda.

Abylaıhan alǵan jaraqatyna baılanysty fınalǵa qatysa almaıtyn boldy. Ol jartylaı fınalda 69 kelide ýkraınalyq Evgenıı Barabanovtan 5:0 esebimen basym túsken edi. Bizdiń boksshy 1/8 fınaldyq kezdesýde kosovolyq Behramı Patrıotany 5:0 esebimen jeńdi. Al shırek fınalda Abylaıhan Júsipov (69 kg) reseılik Shahabas Mahmýdovty qapy qaldyrdy.

Eske sala keteıik, budan buryn alty qazaqstandyq boksshynyń shırek, keıin beseýiniń jartylaı fınalǵa shyqqanyn jazǵan bolatynbyz. Sondaı-aq, bes boksshynyń fınalda ekeni habarlandy.

Atalmysh týrnırge bizdiń boksshylar budan buryn da qatysqan. Byltyr qazaqstandyq bylǵary qolǵap sheberleri 1 altyn, 4 qola medal alyp qaıtqan edi.