Bolgarııadaǵy aýrýhananyń COVID bóliminde órt shyǵyp, úsh adam qaza boldy
NQR-SULTAN. QazAqparat – Ótken túni Bolgarııanyń Slıven qalasyndaǵy aýrýhananyń COVID bóliminen shyqqan órt saldarynan 81, 66 jáne 70 jastaǵy úsh qarııa qaza boldy, dep habarlaıdy QazAqparat TASS aqparat agenttigine silteme jasap.
Eldiń densaýlyq saqtaý mınıstrliginiń málimdeýinshe, aýrýhanadan órt shyqqany týraly habarlama jeksenbi saǵat túngi 2:39-da (Máskeý ýaqytymen saǵat 3:39) kelip túsken. Oqıǵa ornyna eki órt sóndirý kóligi jiberildi. Órttiń tórtinshi qabattaǵy palatadan shyqqany anyqtaldy. Onda qaıtys bolǵan eki adam men zardap shegip, keıinnen kóz jumǵan taǵy bir adamnyń deneleri tabyldy. Qalǵan patsıentter qaýipsiz jerge shyǵaryldy. Jalyn 15 mınýttyń ishinde sóndirildi.
Órttiń shyǵýyna patsıentterdiń biriniń temeki shegip, sóndirip ketpeýi sebep boldy dep shamalanyp otyr. Tergeý amaldary júrgizilýde.
