Bolgarııadaǵy arýlar baıqaýyna el atynan úsh jasar Aıarý qatysady
QARAǴANDY. QazAqparat - Úsh jasar Aıarý Amangeldi elimiz boıynsha barlyq sulýlardy artqa tastap, Bolgarııada ótetin halyqaralyq baıqaýǵa joldama aldy, dep habarlaıdy tv.ekaraganda.kz.
«Kishkentaı mıss Qazaqstan» baıqaýynyń jeńimpazy Aıarý Amangeldi nebári 3 jasta, soǵan qaramastan sahnadan qoryqpaıdy. Bir jyldan beri modelder mektebine barady. Baıqaý kezinde óziniń jarqyn beınesimen jurtty tańǵaldyrdy.
Almatyda ótken baıqaýǵa 3 pen 17 jas aralyǵyndaǵy kishkentaı sulýlar qatysty. Saıys úsh kezeńde ótti. Atap aıtqanda, ulttyq kıim, sán qoıylymy, keshki kóılek defılesi jáne óner kórsetý.
«Kishkentaı mıss Qazaqstan 2018» baıqaýynyń jeńimpazy Aıarý endi tek Temirtaýdy ǵana emes, kúlli Qazaqstandy Bolgarııada ótetin halyqaralyq baıqaýda tanytpaq.
