Bolgarııadaǵy týrnırde Denıs Evseev ıspanııalyq tennısshini oısyrata utty

ASTANA. KAZINFORM — Qazaqstandyq tennısshi, álemniń 322-raketkasy Denıs Evseev Sofııa (Bolgarııa) chellendjer týrnıriniń ekinshi aınalymyna shyqty. 

Qazaqstandyq tennısshi topyraq tósenishinde ótip jatqan jarystyń alǵashqy aınalymynda dúnıejúzilik reıtıngide 399-orynda turǵan ıspanııalyq Bernabe Sapata Mıralestiń mysyn basty.

Bul olardyń ózara alǵashqy kezdesýi edi.

Bir saǵatqa jýyq ýaqytqa sozylǵan matchta Evseev Mıralesti 6:2, 6:0 esebimen oısyrata jeńdi.

Denıs osy merzimde 2 eıspen birge 11 breık-poınttyń altaýyn óz paıdasyna jazdy. Ispanııalyq sportshy 2 breık-poınttyń bireýin paıdalandy.

Denıs Evseev shırek fınalǵa shyǵý úshin álemniń 287-raketkasy, bolıvııalyq Dellıen Velaskomen talasady.

Eske sala keteıik, budan buryn Beıbit Juqaevtyń Meksıkadaǵy týrnırde qarsylasyn aıqyn basymdylyqpen jeńgenin jazǵan edik.

Sondaı-aq Elena Rybakına Tsıntsınnatı týrnıriniń tórtinshi aınalymyna joldama aldy.

Qazaqstandyq jas tennısshiler Germanııadaǵy jarysta top jardy.