Bolgarııadaǵy saılaýda eks-prezıdent Rýmen Radevtiń partııasy jeńiske jetti
ASTANA. KAZINFORM – Bolgarııada ótken kezekten tys parlamenttik saılaýda burynǵy prezıdent Rýmen Radev jetekshilik etetin oppozıtsııalyq «Progressıvti Bolgarııa» partııasy jeńiske jetti, dep habarlaıdy «Anadolý» agenttigi.
Beıresmı derekterge sáıkes, partııa shamamen 45,12% daýys jınap, parlamenttegi 240 orynnyń 135-ine ıe bolǵan.
Al eýropashyl baǵyttaǵy «GERB – Demokratııalyq kúshter odaǵy» partııasy, burynǵy premer-mınıstr Boıko Borısov basqaratyn saıası kúsh shamamen 12% daýys jınady.
Saılaý jeksenbi kúni ótti. Bul – eldegi saıası turaqsyzdyqpen baılanysty sońǵy bes jylda segizinshi ret ótip otyrǵan parlamenttik saılaý.
Elde shamamen 6,5 mln saılaýshy tirkelgen. Daýys berýge 14 saıası partııa men 10 koalıtsııa qatysty.
Daýys berý jergilikti ýaqyt boıynsha saǵat 07:00-de bastalyp, 20:00-de aıaqtaldy. Eger ýchaskelerde kezek kútip turǵan saılaýshylar bolsa, daýys berý ýaqyty 21:00-ge deıin uzartylýy múmkin.
Ortalyq saılaý komıssııasynyń málimetinshe, el ishinde shamamen 12 myń saılaý ýchaskesi ashylǵan, al shetelde 55 elde 493 ýchaske jumys istegen.
Eske sala ketsek, buǵan deıin Bolgarııada merziminen buryn parlament saılaýy ótetinin jazdyq.
