Bolgarııadaǵy Challenge Cup kezeńiniń fınalyna úsh qazaqstandyq gımnast joldama aldy
ASTANA. KAZINFORM – Bolgarııanyń Varna qalasynda sporttyq gımnastıkadan Challenge Cup kezeńi bastaldy.
Ulttyq olımpıadalyq komıtettiń habarlaýynsha, irikteý synynyń alǵashqy kúniniń qorytyndysy boıynsha Qazaqstan quramasynyń úsh sportshysy fınalǵa joldama aldy.
At snarıadyndaǵy jattyǵýda Zeınolla Idrısov ekinshi nátıjemen sheshýshi kezeńge ótti. Osy baǵdarlamada Roman Hegaı irikteýde jetinshi oryn alyp, fınalǵa shyqty.
Nýrtan Idrısov saqınadaǵy jattyǵýda júldege talasady. Qazaqstandyq gımnast irikteý kezeńin altynshy orynmen aıaqtady.
Búgin, 8 mamyrda, jarystyń ekinshi irikteý kúni ótedi.
Eske sala keteıik, buǵan deıin qazaqstandyq tórt gımnast Bolgarııadaǵy Challenge Cup kezeńinde baq synaıtynyn jazǵan edik.
