Bolgarııada jalǵan kýpıýralar daıyndaıtyn baspahana anyqtaldy
ASTANA. KAZINFORM – Shýmende sapasy óte joǵary kýpıýralar daıyndaıtyn tıpografııanyń jumysy toqtatyldy. Tergeýshilerdiń sózinshe, jalǵan aqsha jasaýshylar Bolgarııa men Eýroodaqtyń qarjy júıesine aıtarlyqtaı shyǵyn keltirdi, dep habarlaıdy na euronews.
Memlekettik shekara polıtsııasynyń ınterpoldyń kómegimen júrgizgen arnaıy operatsııa barysynda áli jasalyp bitpegen 50 lev, 50 AQSh dollary men 500 eýro men olardy daıyndaýǵa arnalǵan qurylǵy tabyldy.
Kúsh-qýat qurylymdary ókilderiniń sózine qaraǵanda, qylmystyq top jalǵan aqshanyń kóp bóligin (37 500 lev nemese 19 myńnan astam eýro) bankomatar men kassa apparattary arqyly aınalymǵa jiberip úlgergen.
Reıd barysynda úsh adam ustaldy. Keshirek olardyń ekeýine aıyp taǵyldy. Kúdiktilerdiń biri qamaýda, ekinshisi úıqamaqta.
Іshki ister mınıstrliginiń ókilderi 500 eýrolyq kýpıýralardyń óte sheber daıyndalǵannyn jáne olardyń Eýropalyq Odaqtyń birneshe memleketinde aınalymǵa kirgizilgenin jetkizdi.
Osyǵan deıin Túrkııada terakt jasaǵan eki adamnyń kózi joıylǵanyn habarladyq.
