Bolgarııada ulttyq aza tutý kúni jarııalandy
ASTANA. KAZINFORM — Búgin, 11 qarashada, Bolgarııada «Trakııa» tasjolynda bolǵan eki iri jol apatynan qaza tapqandardy eske alý úshin ulttyq aza tutý kúni jarııalandy, dep habarlaıdy Kazinform agenttiginiń menshikti tilshisi.
Eldiń Mınıstrler keńesi bul sheshimdi 10 qarasha kúni tańerteń Bolgarııanyń ońtústik-shyǵysyndaǵy ıAmbol oblysyna qarasty «Zımnıtsa» jolaıryǵy mańynda bolǵan qaıǵyly jol apatynan keıin kóp uzamaı qabyldady. Qaza bolǵandardy eske alý úshin memlekettik mekemelerde ulttyq tý tómen túsirildi. Úkimet marqumdardyń týǵan-týystary men jaqyndaryna kóńil aıtty.
Bolgarııanyń Іshki ister jáne Densaýlyq saqtaý mınıstrlikteriniń málimetinshe, eki jol apatyna barlyǵy 86 kólik túsken. Onyń 63-i Býrgas, 23-i Sofııa baǵytynda kele jatqan.
Jol apatynan 11 adam qaza boldy.
Olardyń 10-y oqıǵa ornynda kóz jumsa, bireýi aýrýhanada kóz jumǵan. Zardap shekken 51 adam Slıven, ıAmbol jáne Býrgas qalalaryndaǵy aýrýhanalarǵa jetkizildi. Olardyń 13-iniń jaǵdaıy aýyr.
Aldyn ala málimet boıynsha, qoıý tuman áserinen jol nashar kórinip, apat oryn alǵan. Alǵashqy jappaı soqtyǵys Býrgas baǵytyndaǵy jolaqta júk kóligi jolaýshylar avtobýsyna jol bermeı, qozǵalysqa kedergi keltirgennen keıin bastalǵan. Ekinshi jol-kólik oqıǵasy qarsy baǵyttaǵy jolaqta bolǵan.
Oqıǵa ornyna barǵan Premer-mınıstr Rýmen Radev bolǵan jaǵdaıdy «búkil Bolgarııa úshin qaraly kún» dep atady.
Qaıǵyly oqıǵanyń mán-jaıyn anyqtaý jalǵasyp jatyr. Sofııany Qara teńiz jaǵalaýymen baılanystyratyn «Trakııa» tasjolynyń apat bolǵan bóligi kólik qozǵalysy úshin ýaqytsha jabyldy.
Buǵan deıin Túrkııada týrıster mingen avtobýs pen júk kóligi soqtyǵysyp, 11 adam qaza tapqany habarlanǵan bolatyn.
