Bolgarııada týrıstik avtobýs apaty: 16 adam qaza tapty
SOFIıA. QazAqparat - Bolgarııada týrıstik avtobýs apatqa ushyrap, kóliktegi on alty jolaýshy qaza tapty. Taǵy bes adam aýyr halde jatyr, dep habarlaıdy QazAqparat.
Eldiń ishki ister mınıstri Valentın Radev «Biz qazirgi ýaqytta qaıǵyly oqıǵanyń mán-jaıyn tolyq anyqtap úlgermedik», dep málim etti.
Oqıǵa Svoge qalasynan qashyq emes jerde saǵat 17:00-de bolǵan. Sol kezde jańbyr jaýyp, jol kórinbeı turǵan. Avtobýsta Svetovrachen kentiniń zeınetkerler klýbynyń músheleri otyrǵan. Avtobýs úsh jeńil kólikti soǵyp ótip, jol shetindegi qorshaýdy qıratyp 20 metr bıikten quzǵa qulap ketken. Osydan buryn Býrgastan Varnaǵa bara jatqan týrıstik avtobýs otqa orandy, Kólik júrgizýshisi jedel qımyldap órtenip jatqan avtobýstaǵy 30 adamdy syrtqa shyǵaryp úlgergen.
