Bolgarııada turǵyndarymen qosa aýyl satylmaq
ASTANA. QazAqparat - Bolgarııalyq tegin jarnamalar saıtynda Vıdınsk oblysynyń Cherno pole aýylyn turǵyndarymen qosa satý týraly usynys shyqty. Jarnama saıtqa kirýshilerdiń qyzyǵýshylyǵyn arttyrǵany sonshalyq, ony jarııalaǵan sátten bastap 48 saǵat ishinde 6 myńnan astam oqyǵan.
Jarnama mátininde aýyl «jergilikti qaratory turǵyndarymen birge» satylady delingen. Alaıda «myqty qol» kelse, aýyldy tártipke keltirip, «sandalbaılardy» jumys isteýge májbúrleýge bolady, dep habarlady rosbalt.ru.
«Aýyl óte kórikti ári úlken. Úsh aýdanǵa bólingen, irgeles jerleri de keń. Usynys «erikkenderge» arnalmaǵan, al baǵasy oryndy kórgennen keıin aıqyndalady», - delingen aýyl sýreti qoıylǵan jarnama mátininde.
Jýrnalıster qońyraý shalǵannan keıin ǵana qulaǵdar bolǵan aýyl basshysy Todor Todorov satyp alýshylar tabylmaıtynyna senimdi. «Eshkim satyp almaıdy», - dedi ol mıyǵynan kúlip.
