Bolgarııada taǵy da Parlament saılaýy ótip jatyr

ASTANA. KAZINFORM -  27 qazanda Bolgarııa parlamentti qaıtadan saılaıdy. Saılaý sońǵy úsh jylda jetinshi ret jáne bıyl ekinshi ret ótkizilip otyr. Tórt jyl buryn aýqymdy narazylyq tolqynyn bastan ótkergen jáne jemqorlyqtan zardap shekken el 2021 jyldan beri turaqty úkimet qura almaı otyr. Sol kezde saılaýshylar jylyna úsh ret saılaý ýchaskelerine barýǵa shaqyrylatyn, dep jazady BBC News.

Bolgarııa halyqtyń saılaýǵa degen senimsizdigi boıynsha Eýropada ǵana emes, álem boıynsha rekordsmen. Ótken jyly Gallup málimeti boıynsha, azamattardyń tek 10%-y ǵana protsestiń ádil ótkenine sengen (EO ortasha kórsetkishi 62%).

Daýys berý únemi saılaýshylardy satyp alý janjaldarymen birge júredi. Adamdar daýysty «syra men káýapqa» satyp alatynyn aıtady.

Maýsymdaǵy sońǵy parlamenttik saılaý kezinde saılaýshylardyń qatysýy 35%-dan az boldy. Bul 2021 jyly 50%-dan sál ǵana astam bolǵan.

Bolgarlardyń EO basshylyǵyn maquldaý deńgeıi de tómendep barady. Qazir bul kórsetkish Gallup málimetinshe, rekordtyq tómen – 42%. Bul – Vengrııa men Slovakııadaǵy kórsetkish.

Osyǵan qaramastan, saýalnamalarǵa sáıkes, BRIKS-ke qosylýdy jaqtaıtyn jáne eldiń NATO men EO-ǵa músheligine kúmán keltiretin ásire ońshyl «Jańǵyrý» partııasy kelesi parlamentte óz ustanymyn nyǵaıta alady.

Buǵan deıin Bolgarııanyń jańa úkimeti ant qabyldap, elde merziminen buryn ótetin saılaý kún belgilengenin jazǵan bolatynbyz.