Bolgarııada sibir jarasymen aýyrǵan mal eti kýrorttarǵa jetkizilgen
ASTANA. QazAqparat - Bolgarııanyń qara teńiz jaǵalaýyndaǵy úsh qala Varna, Dobrıch, Bıala saýda jelilerine sibir jarasymen zaqymdanǵan et ónimderi túsken. Bul týraly bolgarııalyq BTV arnasy Varna oblysynyń gýbernatory Stoıana Pasevaǵa silteme jasaı otyryp habarlady.
«Qazirgi ýaqytta ettiń qaı dúkenderge, qansha mólsherde ákelingeni anyqtalyp jatyr. Sońǵy ýaqyttarda et satyp alǵandardyń barlyǵyna dárigerge qaralý, satyp alynǵan ónimge taldaý júrgizý úshin Ónim qaýipsizdigi agenttigine jetkizý usynylady», - dedi gýbernator. Sibir jarasymen zaqymdalǵan sıyr eti Asparýhovo aýylyndaǵy tsehtan tabylǵan. «TASS» agenttigi aqparatyna súıensek, tseh ıesi tutqyndalyp, oǵan aıyp taǵyldy. Zaqymdalǵan etti tutynǵan 28 adam tekserýden ótip, taza ekendigi anyqtaldy. 17 shildede Varna óńirinde etke satylyp ketken aýrý maldyń ıesi sibir jarasynan qaza tapty. Oblysta janýarlardy egý jumystary qolǵa alyndy.
