Bolgarııada prezıdenttik saılaýdyń ekinshi týry ótip jatyr
ASTANA. QazAqparat - Bolgarııada prezıdenttik saılaýdyń ekinshi týry ótip jatyr. Oǵan «Azamattar Bolgarııanyń eýropalyq damýy úshin» partııasynyń kandıdaty Tsetska Tsacheva men sotsıalıster ókili, general Rýmen Radev túsip otyr, dep habarlaıdy Habar 24 telearnasy.
Saılaýda qaı úmitker kóp daýys jınasa, sol jeńiske jetedi. Elde 12 myńnan astam saılaý ýchaskesi ashylǵan. Taǵy aıta ketetin jaıt, saılaýshylar el prezıdentimen birge vıtse-prezıdentti de tańdaıdy.
Al, ótken aptadaǵy birinshi týrda general Radev saılaýshylardyń 26,45 paıyz daýysyn jınap kósh bastasa, halyqtyń 21,38 paıyz qoldaýyna ıe bolǵan Tsacheva hanym ekinshi orynda turaqtaǵan edi.
