Bolgarııada prezıdent saılaýy ótip jatyr
ASTANA. KAZINFORM — Saılaýǵa 27 kandıdat qatysyp jatyr, dep habarlaıdy Kazinform agenttigi AZERTADJ-ǵa silteme jasap.
25 qazanda Bolgarııada prezıdent saılaýynda daýys berý bastaldy.
El boıynsha saılaý ýchaskeleri jergilikti ýaqyt boıynsha saǵat 07:00–de ashyldy. Memleket basshysy laýazymyna 27 kandıdat úmitker bolyp otyr.
Daýys berý úshin 12 myńnan astam saılaý ýchaskesi uıymdastyryldy. Bolgarııada shamamen 6,6 mıllıon azamat daýys bere alady.
Shetelde turatyn Bolgarııa azamattary da saılaýǵa qatysa alady. Olar úshin 60 memlekette saılaý ýchaskesi ashyldy.
Daýys berý jergilikti ýaqyt boıynsha saǵat 20:00–ge deıin jalǵasady.
Saılaýdyń resmı qorytyndysyn 27 qazanda jarııalaý josparlanǵan.
Buǵan deıin qajet bolǵan jaǵdaıda prezıdent saılaýynyń ekinshi kezeńi 1 qarashada ótetinin jazǵan edik. Bolgarııa Konstıtýtsııasyna sáıkes, kandıdattardyń eshqaısysy qajetti daýys sanyn jınaı almasa, jeti kún ishinde qaıta daýys berý ótkiziledi. Oǵan saılaýshylardyń eń kóp qoldaýyna ıe bolǵan eki kandıdat qatysady.
Eske salaıyq, bıyl mamyrda Bolgarııanyń Halyq jınalysy «Progressıvti Bolgarııa» koalıtsııasynyń jetekshisi Rýmen Radevti eldiń premer-mınıstri etip bekitti.
