Bolgarııada prezıdent saılaýy 25 qazanda ótedi
ASTANA. KAZINFORM – Bolgarııada prezıdent saılaýy 2026 jylǵy 25 qazanda, jeksenbi kúni ótedi. Tıisti sheshimdi eldiń Halyq jınalysy qabyldady, dep habarlaıdy BTA.
Sheshimdi 138 depýtat qoldap daýys berdi. Qarsy daýys bergender bolǵan joq, al jeti depýtat qalys qaldy.
Qajet bolǵan jaǵdaıda saılaýdyń ekinshi kezeńi 1 qarashada ótedi. Bolgarııa Konstıtýtsııasyna sáıkes, eger kandıdattardyń eshqaısysy qajetti daýys sanyn jınaı almasa, jeti kún ishinde qaıta daýys berý uıymdastyrylady. Oǵan birinshi kezeńde eń kóp daýys jınaǵan eki kandıdat qatysady.
Eske salaıyq, bıyl mamyr aıynda Bolgarııa Halyq jınalysy «Progressıvti Bolgarııa» koalıtsııasynyń jetekshisi Rýmen Radevti eldiń premer-mınıstri qyzmetine bekitken bolatyn.
