Bolgarııada poıyz apatynan 15 adam zardap shekti
ASTANA. Qazannyń 4-i. QazAqparat - Bolgarııada, el astanasy -Sofııadan 40 shaqyrymdaı jerde eki poıyz soqtyǵysyp qaldy.
Bul týraly Associated Press agenttigi Bolgarııanyń Densaýlyq saqtaý mınıstrligine silteme jasap habarlap otyr.
Bolgar vedomstvosynyń aqparaty boıynsha, Serbııadan Túrkııaǵa bara jatqan jolaýshylar poıyzyna bolgarlyq temirjolshylar mingen qyzmet quramasy soqtyǵysqan. Oqıǵa saldarynan 15 adam, onyń ishinde 13 jolaýshy men 2 temirjolshy- ınjener zardap shekken.
Qazir oqıǵa ornynda qutqarýshylar jumys istep jatyr, apattyń sebebi týraly ázirge eshqandaı resmı aqparat joq. Fakti boıynsha tekserý júrgizilýde.
