Bolgarııada qumdy músinder festıvali bastaldy
ASTANA. QazAqparat - Bolgarııanyń Býrgas qalasynda qumdy músinder festıvali ashyldy. Osymen 10-ret ótkizilip otyrǵan sharada 9 elden kelgen 20-dan astam sheber túrli týyndysyn usynyp otyr, dep habarlaıdy 24 kz.
Onyń ishinde ertegi qaharmandarymen qatar Charlı Chaplın, Albert Eınshteın sııaqty álemge tanymal tulǵalar bar. Músinshiler óz jumysynda tek qum, balshyq jáne sýdy paıdalanady. Jalpy sheberler úshin jaǵajaıǵa 5 tonna qum ákelingen. Festıval qyrkúıektiń sońyna deıin jalǵasady.
«Qazir soǵyp jatqan músinderimiz erekshe, ári kólemi úlken bolǵandyqtan alańdar men saıabaqtarǵa qoıylmaıdy. Týyndylar qysqa ýaqytta jasalyp, kóp eńbekti talap etedi. Músindi qumnan turǵyzýdy kóp adam qoldaı bermeıdi. Óıtkeni ol ekologııalyq taza bolǵanymen, tez búlinedi. Degenmen týyndylarymyzdy adamdar 2-3 aı tamashalaı alady. Kelesi jyly jańasyn jasaımyz» ,- deıdi músinshi Damıan Býmbalov.
