Bolgarııada qoparǵysh zattar fabrıkasynda jarylys boldy
ASTANA. Aqpannyń 4-i. QazAqparat - Bolgarııanyń soltústik-batysyndaǵy Gornı-Lom kentinde qoparǵysh zattar fabrıkasynda jarylys bolyp,
onyń saldary úlken órtke ákeldi. Kásiporynnyń qoımasynda jınalǵan barlyq qoparǵysh zattardyń jarylý qaýpi týyndap otyr, dep habarlaıdy RBK agenttigi.
Aldyn-ala málimetter boıynsha, ázirge úsh adamnyń zardap shekkeni týraly aqparat bar, dep habarlaıdy bolgar aqparattyq agenttigi.
Kelip túsken derekter boıynsha, jarylys bolǵan fabrıka qoımasynda 10 tonnaǵa jýyq ammonıt, al kórshi jaılarda tıpi kórsetilmegen taǵy 20 tonna qoparǵysh zat, sondaı-aq jaıaý áskerge qarsy mınalar bar.
Órt oshaǵyn sóndirý sharalary áli jalǵasýda. Oqıǵa ornynda jarylystar estilýde. Aımaq ókimetiniń aıtýynsha, polıtsııa birneshe shaqyrym radıýsta fabrıkany aınaldyra qorshaýǵa alyp otyr, jergilikti halyqqa eshqandaı qaýip joq. Gornı-Lom kentinde 780 adam turady.
