Bolgarııada kenetten kún buzylyp, daýyldan eki adam kóz jumdy

Bolgarııada daýyl, nóser jańbyr men qar saldarynan eki adam qaza tapty. Kazinform bul týraly Euronews agenttigine silteme jasap habarlaıdy.

Bolgarııanyń kóp bóliginde daýyl soǵyp, nóser jańbyr men qalyń qar jaýdy.

Birqatar qala men aýyldarǵa aıtarlyqtaı zaqym keldi, aǵashtar qulap, elektr jelileri úzildi.

Jaısyz aýa raıynan 2 adam qaza tapty.

Qara teńiz jaǵalaýyndaǵy Varna qalasynda jeksenbi kúni úıine ketip bara jatqan áıelge aǵashtyń butaǵy qulap, mert boldy.

Sofııada senbi keshke jeńil kólikke aǵash qulap, júrgizýshi qaza tapqan. Kóliginde bolǵan áıeli aýrýhanaǵa jatqyzyldy.

Varna mýnıtsıpalıtetinde tótenshe jaǵdaı jarııalandy.

Jel daýylǵa ulasyp, túnde jedel qyzmet jumysyn aıtarlyqtaı qıyndatty.