Bolgarııada ızraıldik týrıster mingen avtobýsty jaryp jiberdi
ASTANA. 19 shilde. QazAqparat - Bolgarııada ızraıldik týrıster mingen avtobýs jaryldy, 3 adam qaza tapty, dep habarlady bolgar polıtsııasyna silteme jasaı otyryp Reuters agenttigi.
Jarylys18 shilde kúni keshke qaraı Býrgas qalasynyń mańynda ornalasqan áýejaı janynda oryn aldy.
Aıta keteıik, buǵan deıin BGNES aqparattyq agenttigi 5 adamnyń qurban bolǵany jaıly habar taratqan bolatyn. Agence France-Presse taratqan málimetterge qaraǵanda, kem degende 20 adam jaraqat aldy. Bolgarııanyń ІІM bul jarylysty terakt dep atady.
Izraıl Premer-Mınıstriniń ókili Ofır Gendelman aıtyp ótkendeı, avtobýsty jan-jaqtan atyp, jarylǵysh qurylǵysyn laqtyryp jibergen. Kýágerlerdiń aıtýynsha, jarylys avtobýsqa belgisiz bir adam kirgeninen keıin bolǵan.
Avtobýsta Izraılden kelgen 40 týrıst bolǵan. Jarylystyń saldarynan Býrgas áýejaıyndaǵy 3 avtobýs órtenip ketti.
