Bolgarııada «Ertis» FK jattyqtyrýshysy úzdikter qataryna kirdi
ASTANA. QazAqparat - Bolgarııada 2018 jyldyń úzdik fýtbolshylary men jattyqtyrýshylary marapattaldy, dep habarlaıdy Sports.kz.
Jyl qorytyndysy boıynsha jyldyń úzdik jattyqtyrýshysy bolyp Bolgarııa ulttyq quramasyn basqaratyn Petar Hýbchev atandy. Al ekinshi oryn pavlordarlyq «Ertis» komandasyn jattyqtyratyn Dımıtar Dımıtrov ıelendi. Ol ótken jyly bolgarııalyq «Lýdogortst» fýtbol klýbymen jumys jasaǵan bolatyn. Úzdik úshtikti «Slavıı» komandasynyń jattyqtyrýshysy Zlatomır Zagorchıch aldy.
«Maǵan bul syılyq «Lýdogortsta» atqarǵan jumystarym úshin berildi dep bilemin. Biz oıynshylar men klýb basshylarynyń qoldaýyna táýeldimiz», - dedi Dımıtar Dımıtrov.
Eske sala keteıik, «Lýdogorets» komandasy 2017/18 maýsymynda Bolgarııanyń chempıony bolǵan.
