Bolgarııada eki qansorǵyshtyń qańqasy tabyldy
ASTANA. 7 maýsym. QazAqparat - Arhelogtar Sozopol qalasyndaǵy áýlıe Nıkolaı Chýdotvorets shirkeýiniń mańynan eki qansorǵyshtyń qańqasyn tapty. Bul týraly Eýrazııa birinshi arnasy habarlaıdy.
Lenta.ru aqparaty boıynsha, tabylǵan qabirler XIII-XIV ǵasyrlarǵa jatady. Qazba jumystary kezinde barlyǵy 70 adamnyń súıekteri tabylǵan, alaıda tek eki qańqaǵa ǵana temir qazyq suǵylypty. Kómilgenderdiń kim ekendikteri men mártebesin anyqtaýǵa kómekteser ózge zattar tabylmaǵan.
«Ózge zattar bolǵan joq, óıtkeni hrıstıandyq adam bul ómirge jalańash kelip, jalańash ketedi degen prıntsıpke súıenedi», - dedi qazba aımaqtarynyń mańynan birde-bir jazbanyń tabylmaǵandyǵyn jetkizgen ulttyq tarıhı murajaı dırektory Bojıdar Dımıtrov. Sondaı-aq tarıhshy áńgime áıgili adamdar jaıly ekendigin málimdedi.
Bolgarııadan barlyǵy óz zamanynda qansorǵysh dep sanalǵan júzge jýyq adamnyń súıegi tabyldy. Dımıtrovtyń aıtýynsha, bul adamdardy tiri kezderinde qatygez dep eseptep, keýdelerine aǵash ne temir qazyq qadaǵan.
