Bolgarııada amerıkandyq kýáligi bar er adam avtobýsty jaryp jiberdi
ASTANA. 19 shilde. QazAqparat - Bolgarııanyń Býrgas qalasynyń áýejaıynda bolǵan lańkestiń aktini tekserý barysynda polıtsııa ızraıldik týrısterge shabýyldy jankeshti-lańkes iske asyrǵan degen boljamǵa kelip otyr.
Sarapshylar qaza bolǵandardyń ishinde qylmysty jasaýy múmkin adamdardy tapty, dep habarlady RBK.
Anyqtalǵandaı, avtobýstyń ishinde bolǵan er adam buǵan deıin kóshedegi beınekameranyń nysanasyna ilikken. Bul sporttyq kıim kıgen shashy uzyn er adam. Jarylys saldarynan onyń betin anyqtaý múmkin emes, alaıda qaltasynan AQSh (Mıchıgan shtaty) azamatynyń qujaty tabylǵan.
FBR-diń bazasynda, Bolgarııanyń shekara qyzmeti bazasynda mundaı azamat joq. Onyń basqa memleketke qalaı kirgeni belgisiz bolyp otyr.
Aıta keteıik, lańkestik aktiniń saldarynan 8 adam - 7 ızraıldik jáne 1 bolgarııalyq - júrgizýshi kóz jumdy. Taǵy da 32 adam ártúrli deńgeıde jaraqattar aldy.
Izraıldiń bılik ókilderi bul lańkestik aktini Iran jáne «Hezbollah» toby jasady dep aıyptaýda. Degenmen Iran men atalmysh top bul málimdemeni joqqa shyǵardy.
