Bolgarııada 70-ten astam kólik soqtyǵysyp, 12 adam qaza tapty

ASTANA. KAZINFORM — Bolgarııadaǵy «Trakııa» avtomagıstralinde 70-ten astam kólik qatysqan eki jappaı jol apaty boldy. Saldarynan 12 adam qaza taýyp, taǵy 48 adam jaraqat aldy, dep habarlaıdy Kazinform agenttigi BBC-ge silteme jasap.

Bolgarııada 70-ten astam kólik soqtyǵysyp, 12 adam qaza tapty
Foto: NOVA TV/Reuters

Eki iri jol apaty Bolgarııanyń ıAmbol oblysyndaǵy Zımnıtsa aýylynyń mańynda, «Trakııa» avtomagıstralinde boldy. Qalyń tuman saldarynan ondaǵan jeńil jáne júk kóligi soqtyǵysqan.

ıAmbol oblysynyń gýbernatory Georgıı Chalakovtyń aıtýynsha, jol apaty týraly alǵashqy habar jergilikti ýaqyt boıynsha saǵat 07:10-da túsken.

Kórshiles Slıven oblysynyń gýbernatory Mıhaıl Kasherov 70-ten astam kólik jol apatyna ushyraǵanyn habarlady.

Bolgarııa úkimetiniń keıingi málimeti boıynsha, eki jol apatynan 12 adam qaza taýyp, taǵy 48 adam jaraqat alǵan.

Buǵan deıin eldiń Densaýlyq saqtaý mınıstri Katıa Ivkova 11 adamnyń kóz jumǵanyn habarlaǵan edi. Onyń onyn oqıǵa ornynda, bireýin aýrýhanada aman alyp qalý múmkin bolmaǵan.

Zardap shekkender ıAmbol, Slıven jáne Býrgas oblystaryndaǵy medıtsınalyq mekemelerge jetkizildi.

Georgıı Chalakovtyń aıtýynsha, qutqarýshylar zardap shekkenderge jetý úshin jol qorshaýlarynyń bir bóligin alyp tastaýǵa májbúr bolǵan. Al qalyń tumanǵa baılanysty adamdardy evakýatsııalaý úshin tikushaq tartý múmkin bolmady.

Bılik ókilderiniń málimetinshe, shyǵys baǵyttaǵy jolaqta bolǵan alǵashqy apatqa qalyń tuman saldarynan kóriný deńgeıiniń tómendeýi sebep bolǵan.

Ekinshi jol apaty Sofııaǵa qaraı baǵyttalǵan qarsy jolaqta boldy. Bolgarııanyń BTA telegraf agenttigi sheneýnikterdiń birine silteme jasap habarlaýynsha, apatqa júrgizýshilerdiń alǵashqy jol apatyna nazar aýdarýy sebep bolǵan.

Eske salaıyq, buǵan deıin Ispanııadaǵy poıyz apatynan qaza tapqan 56 adamnyń aty-jóni anyqtalǵanyn habarlaǵan edik.