Bolgarııa jaǵalaýynda bıdaı tıelgen júk kemesi aýdaryldy

ASTANA. KAZINFORM — Bıdaı tasymaldaǵan BETUL 8 júk kemesi Bolgarııa jaǵalaýyna jaqyn Qara teńizde teńiz drondarynyń shabýylynan keıin aýdarylyp ketti degen boljam bar. Ekıpajdyń barlyq 12 múshesi - Túrkııa men Ázerbaıjan azamattary qutqaryldy, dep habarlaıdy Kazinform DW agenttigine silteme jasap. 

Grýzovoe sýdno s 3 tysıachamı tonn pshenıtsy perevernýlos ý beregov Bolgarıı
Foto: Moreto.net/AP Photo/dpa/picture alliance

Somalı týyn kótergen BETUL 8 júk kemesi Bolgarııa jaǵalaýyna jaqyn Qara teńizde drondar shabýylynan keıin aýdarylyp ketti. Ekıpaj túgel qutqaryldy. Teńizshilerdiń eshqaısysy aýyr jaraqat almaǵan, alaıda qatty tońyp qalǵan. Bul týraly Sofııadaǵy Kólik mınıstrligi málimdedi.

Mysyrǵa astyq tasymaldaǵan kemeniń 12 teńizshisi qutqaryldy

Qutqarý operatsııasyna Bolgarııanyń eki, Rýmynııa men Túrkııanyń bir-bir kemesi qatysyp, ekıpajdyń 12 múshesin aman alyp qaldy. Olardyń segizi – Túrkııa, tórteýi –Ázerbaıjan azamattary. Aıta keteıik, BETUL 8 kemesi Rýmynııanyń Týlcha portynan Mysyrǵa 3 myń tonna bıdaı tasymaldap bara jatqan.

DW málimetinshe, kemege drondar shabýyl jasaǵany týraly resmı aqparat joq. Degenmen qutqarylǵan teńizshiler Varna qalasynda jýrnalısterge kemege eki teńiz drony shabýyl jasaǵanyn aıtqan. Osy oqıǵadan keıin keme Kalıakra múıisinen ońtústik-shyǵysqa qaraı shamamen 75 shaqyrym jerde apat dabylyn bergen.

Eske sala keteıik, buǵan deıin Kıpr jaǵalaýynda keme sýǵa batyp, 10 teńizshi qutqarylǵany habarlanǵan bolatyn.