Bolgarııa vıtse-prezıdenti Qazaqstan halqyn Konstıtýtsııa kúnimen quttyqtady
«Qazaqstan halqyna Konstıtýtsııa erejelerin saqtaı otyryp, ál-aýqatty, qaýipsiz bolýyna tilektespin. Qazaqstandyqtardyń ómir súrý deńgeıleri joǵary bolýy tıis. Óıtkeni, olar oǵan laıyqty. Elderińiz táýelsizdik jyldary ishinde kóp jetistikke qol jetkizdi. Qazaq eli qysqa ǵana ýaqyttyń ishinde Prezıdent Nursultan Nazarbaevtyń basshylyǵymen Ortalyq Azııanyń negizgi memleketterdiń birine aınaldy. Sizderdi ulyq merekelerińiz Konstıtýtsııa kúnimen quttyqtaımyn», - dedi ol.
Sonymen qatar mártebeli meıman Bolgarııanyń Qazaqstanmen ekijaqty saýda-sattyqty jandandyryp, saıası baılanystardy da nyǵaıtýǵa múddelik tanytatyndyǵyn basa aıtty jáne EKSPO-ǵa qatysýǵa nıetti ekendikterin jetkizdi.
«Biz Qazaqstannyń taǵy bir jarqyn jeńisine aınalatyn aýqymdy oqıǵa EKSPO halyqaralyq kórmesine qatysqymyz keletindigin málimdegen bolatynbyz. Qazir bul baǵyttaǵy jumystar júrgizilip jatyr. Naqty sheshim taıaý ýaqytta qabyldanady», - dedi M.Popova.
