Bolgarııa úkimeti narazylyqtardan soń daý týdyrǵan bıýdjetke qatysty zań jobasyn qaıtarmaq
ASTANA. KAZINFORM — Bolgarııa úkimeti Sofııa men odan tys jerlerde bolǵan aýqymdy narazylyqtardań soń bıýdjet boıynsha daý týdyrǵan usynysty qaıtaratynyn málimdedi, dep habarlaıdy Euronews.
Mundaı qadamǵa úkimet elde keıingi onjyldyqta bolǵan eń aýqymdy narazylyq sharalarynan soń baryp otyr.
Dúısenbi kúni keshkisin ótken narazylyq sharalaryna Sofııada 50 myń adam qatysqan.
Uıymdastyrýshylardyń aıtýynsha, taǵy 50 myń adam ózge qalalardan qosylǵan. Olardyń barlyǵy salyqtar men áleýmetik tólemnan alynatyn alymdardyń kólemin kúrt kóbeıtýdi qarastyratyn bıýdjetke qatysty zań jobasyna qarsy shyqqan.
Narazylyq bildirýshilerdiń pikirinshe, zań jobasynan birinshi kezekte qarapaıym jumysshylar zardap shegedi.
Aıta keterligi, Bolgarııa 2026 jyly eýroaımaqqa ótpek. Qazir memleket osy úderistiń sońǵy kezeńderinen ótip jatyr. ıAǵnı 1 qańtardan bastap, Bolgarııa levadan eýroǵa ótýi tıis. Daý týdyrǵan bıýdjet jobasy da týra osy kezde talqylanyp jatyr.
Narazylyq sharalaryn eldiń basty oppozıtsııalyq «Ózgeristi jalǵastyramyz», «Demokratııalyq Bolgarııa» atty koalıtsııasy úkimettiń ýádesin oryndamaýyna jaýap retinde uıymdastyrǵan.
Ótken aptada úlken ishki qysym men aýqymdy ereýilderdiń saldarynan premer-mınıstr Rosen Jelezıakovtyń úkimeti qaıta qaraý úshin bıýdjet boıynsha usynystardy qaıtaryp alýdy ýáde etken. Alaıda keshirek ol bul sheshiminen bas tartty.
Eldiń burynǵy premer-mınıstri jáne GERB partııasynyń kóshbasshysy Boıko Borısov bıýdjet jobasy túzetilip, parlamenttiń birinshi ne ekinshi sessııasyna qaraýǵa jiberiletinin jetkizdi. Onda dúısenbi kúni jappaı narazylyqqy túrtki bolǵan sheshim túzetilmek.
Narazylyq bildirýshiler is basyndaǵy koalıtsııa ókilderine jobany qaıta qarap, olaı bolmaǵan jaǵdaıda otstavkaǵa ketýlerin talap etip, «Otstavka» dep urandatty.
Dúısenbi kúni keshkisin negizinen jastardan turatyn toptyń narazylyq sharalary qalanyń basty alańdary men dańǵyldarynda jáne Ulttyq jıyn ǵımaratynyń aldynda beıbit túrde bastalǵan bolatyn.
Ereýil keshkisin betine betperde kıgen bir top jastyń negizgi toptan bólinip shyǵyp, qoqys jáshikterin talqandap, polıtsııa kólikterine shabýyldaı bastaǵanda qyza tústi. Olar tipti polıtseılermen de qaqtyǵysty. Polıtsııa narazylyq bildirýshilerge burysh aerozolin qoldandy.
Osyǵan deıin Parıjde Frantsııa úkimetiniń bıýdjet saıasatyna qarsy narazylyq aktsııasy ótkeni týraly jazdyq.