Bolgarııa úkimeti birneshe aptaǵa sozylǵan narazylyq aktsııalarynan keıin otstavkaǵa ketti
ASTANA. KAZINFORM - 2025 jyldyń 16 qańtarynda qyzmetke kirisken Bolgarııa premer-mınıstri Rosen Jelıazkov parlamenttiń senim votýmyna daýys berýine birneshe mınýt qalǵanda teledıdardan sóılegen sózinde otstavkaǵa ketetinin málimdedi, dep habarlaıdy DW.
Kóshedegi narazylyq aktsııalaryna on myńdaǵan adam qatysty. Narazylyqtar úkimetke jáne 2026 jylǵa arnalǵan bıýdjet jobasyndaǵy sybaılas jemqorlyqqa qatysty aıyptaýlardan týyndady.
Bolgarııa úkimeti buǵan deıin Sofııada jáne odan tys jerlerde ótken aýqymdy narazylyq aktsııalarynan keıin daýly bıýdjettik usynysty birjolata qaıtaryp alatynyn málimdegen bolatyn.
Aıta keteıik, bolgarlardyń jartysyna jýyǵy elde eýro engizýge qarsy, sebebi ol Bolgarııanyń egemendigine nuqsan keltiredi dep qaýiptenedi.
Olar, sondaı-aq eýroǵa kóshý - bólshek saýdagerlerdiń baǵany kóterýine sebep bolady dep alańdaıdy.