Bolgarııa týrnıri: Qazaqstandyq boksshylar jeńisti jolyn jalǵastyrýda

NUR-SULTAN. QazAqparat - Bolgarııanyń Sofııa qalasynda erler jáne áıelder boksynan «Strandja-2021» halyqaralyq týrnıri ótip jatyr. QazAqparat Olympic.kz saıtyna silteme jasaı otyryp erler arasyndaǵy aralyq nátıjelerdi usynady.

Atap aıtqanda, 81 kelide sharshy alańǵa shyqqan Baýyrjan Baıgónshekov shvetsııalyq Nýha Lırırdındi 3:2 esebimen utty.

Raıys Nurqanat 75 kelige deıingi salmaq dárejesindegi qarsylasy armenııalyq Arman Darchınıandy, 91 kelide Saǵyndyq Toǵambaı horvatııalyq Tonı Fılıpti 5:0 esebimen utyp, jarystyń kezekti aınalymyna joldama aldy.

Ókinishke qaraı, 69 kelide judyryqtasqan Qýan Qýatov ýkraınalyq Evgenıı Barabanovqa jol berdi. Ekeýara kezdesý 0:5 esebimen ýkraınalyq boksshynyń enshisine sheshildi.

Áıelder arasynda Angelına Lýkas slovakııalyq Nıkol Dýrıtsovany jeńip, shırek fınalǵa joldama aldy.

Aıta keterligi, bıyl 72-shi ret uıymdastyrylyp otyrǵan baıraqty báseke 28 aqpanǵa deıin jalǵasady. El namysyn qorǵaýǵa attanǵan sportshylar: Oljas Baınııazov, Beıbarys Jeksen, Samatáli Tóltaev, Qýan Qýatov, Nurqanat Raıys, Baýyrjan Baıgónshekov, Saǵyndyq Toǵmbaı, Aıboldy Dáýrenuly jáne Ádil Basyǵaraev.