Bolgarııa-Túrkııa shekarasynda tomat pastasy arasynan 200 keli geroın tabyldy
ASTANA. QazAqparat - Bolgarııa kedenshileri Túrkııamen shekarada quny 10 mıllıon eýro bolatyn esirtkiniń iri partııasyn tárkiledi. Bul jaıynda Bas prokýratýranyń resmı ókili Rýmıana Arnaýdova málim etti, dep habarlady TASS.
«Esirtki qujat boıynsha Gollandııaǵa 22 tonna tomat pastasyn apara jatqan ırandyq júk avtokóliginde bolǵan. Onda jalpy salmaǵy 200 keliden asatyn 400 qorap geroın tabyldy», dedi Arnaýdova.
Júk kóligin tekserý jalǵasýda. Prokýror talabymen barlyq 44 myń korap ashylatyn bolady.
Júk kóliginiń júrgizýshisi 72 saǵatqa qamaldy. Qoldanystaǵy zańnamaǵa sáıkes, ool 15 jyldan 20 jylǵa deıin qamalýy múmkin jáne 100 myń eýrodan 150 myń eýroǵa deıin aıyppul tóleıdi. Avtokólik memleket paıdasyna tárkilenip, geroın joıylatyn bolady.
