Bolgarııa Shengen aımaǵynan shettetildi
ASTANA. QazAqparat - Bolgarııanyń Shengen aýmaǵyna kirýine shekteý qoıyldy, dep habarlaıdy QazAqparat Habar 24 telearnasyna silteme jasap.
Brıýssel bul eldi ortaq aımaqqa tek áýe shekarasy arqyly engizýdi qarastyryp jatqanyn málimdedi. ıAǵnı odaqqa qurlyq arqyly kirý ázirge múmkin emes.Bolgarııanyń Shengen aımaǵyna kirýi ózekti máseleniń birine aınaldy. Buǵan deıin aqparat quraldary Bolgarııa men Rýmynııanyń Shengenge músheligi tolyqtaı sheshildi dep habarlaǵan edi. Alaıda eki el turǵyndarynyń qýanyshy kóp uzamaı sý sepkendeı basyldy. Sebebi, Brıýssel birer kún buryn bul memleketterdiń shengenge tek áýe jáne teńiz shekarasy arqyly kirgenin, al odaq aýmaǵyna qurlyq arqyly enýi keıinge shegeriletinin jetkizdi.
«Qazir Bolgarııanyń Shengen aımaǵyna ótýi eki kezeńmen: áýe jáne teńiz shekarasy arqyly júzege asatyny týraly aıtylyp otyr. Al qurlyq arqyly shengen aımaǵyna kirý osy ekinshi kezeńde júzege asyrylmaq. Eýrokomıssııa ókili retinde mundaı sheshimge qarsymyn. Sebebi eki memleket te Shengenniń barlyq talaptaryna saı keledi», - deıdi Bolgarııadaǵy Eýropalyq komıssııa ókildiginiń basshysy Ognıan Zlatev.
Alaıda, Bolgarııanyń áýe arqyly Shengen aýmaǵyna enýiniń ózi ınvestorlardy biraz dúrliktirip tastady. Sebebi jyljymaıtyn múlik qymbattap ketýi múmkin. Biraq áýejaılardaǵy tekserý jeńildetilip, ortaq aımaqqa kirý áldeqaıda ońtaılanady.
«Bolgarııa men Rýmynııa Shengen aımaǵyna kirý úshin barlyq tehnıkalyq talaptardy oryndady. Shekaraǵa qajetti quraldar qoıylyp, qyzmetkerler daıyndyqtan ótkizildi. Sondyqtan bul elderde Shengenge saı shekarany baqylaýǵa bári daıyn», - deıdi Ognıan Zlatev.
Beıresmı aqparatqa qaraǵanda Bolgarııanyń qurlyq arqyly Shengenge enýi zańsyz mıgranttar máselesine qatysty keıinge shegerilgen. Al eldiń ortaq aımaqqa áýe baılanysy arqyly enýi 2019 jyldyń mamyr aıynda júzege asyrylýy múmkin.
